فقرة جديدة من “ديباجة” نقدمها لكم اليوم من إعدادا وتقديم “هيثم بيضاوي”، يتطرق فيها إلى الفرق بين أيام الماضية والحاضرة.
بالزمانات.. كان في الي ببيع تفاح معللم على الصينية، كان يعيط للناس الي تشتري منو ويعيط أرب عالطيب يا طيب. كان في الي ببيع شعيبيات بالميكريفون كان يصرخ بالسيارة ويقول شعيبيات طيبين طازة سخنين، بالقشطة والحليب جيبوا صحون جاطات لنكترلكن القطرات. بالعيد كنا ننزل على المرجوحة الخشب الكبيرة، ويكون معنا العيدية ومنحط مصرياتنا كلها عالمرجوحة كل 30 لـ 40 شخص يحونا بقلبها، يبلشوا يغنولنا يا ولاد أبو شرشوبة يويو، عيش المخطوبة يويو يا مين خاطبها يويو شلشل داهبها يويو.
اليوم.. الطيب ما عاد طيب والي ببيع شعيبيات مات، والمرجوحة صارت كبيرة قد البلد بتساع الناس كلها، وولاد أبو شرشوبة صار كرشن هلقد، وعم يغنولنا ويشلحونا مصرياتنا لليوم يا ولاد أبو شرشوبة يويو عيش المخطوبة يويو، ويعطيكن العافية.
